«Չեմ ուզում տեսնել Լա Լիգան՝ առանց «Բարսելոնայի»». Զինեդին Զիդան
«Ռեալի» գլխավոր մարզիչ Զինեդին Զիդանը մեկնաբանել է Իսպանիայի առաջնությունից «Բարսելոնայի» հնարավոր հեռացումը:
Ֆրանսիացի մասնագետը լրագրողների հետ հանդիպման ժամանակ պատասխանել է Պրիմերայից «Բարսելոնայի» հնարավոր հեռացման մասին հարցերին, այն դեպքում, եթե Կատալոնիան անկախություն ընդունի:
Զիդանը հաստատապես վստահ է, որ չէր ուզենա տեսնել առաջնությունը՝ առանց իր ակումբի գլխավոր թշնամիների:
«Դա անհավանական բարդ հարց է: Ես գաղափար չունեմ՝ ինչ կկատարվի, բայց մեծ հույս ունեմ, որ մեր լիգան չի կորցնի այդպիսի թիմի: Ես բացարձակապես չեմ ուզում դա տեսնել: Ես չեմ ուզում տեսնել Պրիմերան՝ առանց «Բարսելոնայի», առաջին հերթին՝ որպես սպորտի երկրպագու: «Բարսելոնան» միշտ պետք է լինի այս լիգայի մի մասը»,- ֆրանսիացու խոսքերն է մեջբերում Marca-ն:
Պատրաստեց Անի Գաբուզյանը
