Նաթանյահուի կնոջը կարող են դատական պատասխանատվության ենթարկել
Իսրայելի գլխավոր դատախազ Ավիխայ Մանդելբլիտը վարչապետի կնոջը՝ Սառա Նաթանյանուհին, ծանուցել է, որ նրան կարող են մեղադրանքներ առաջադրվել բյուջետային միջոցների անօրինական օգտագործման կապակցությամբ: Այդ մասին հայտնել է արդարադատության նախարարությունը: Սառա Նաթանյահուին դատական պատասխանատվության ենթարկելու որոշումը Մանդելբլիտը մտադիր է ընդունել մինչդատական ունկնդրումների արդյունքներով:
«Գլխավոր դատախազը վարչապետի կնոջը՝ Սառա Նաթանյահուին, իրազեկել է, որ ինքը քննարկում է նրան դատական պատասխանատվության ենթարկելու հարցը»,- ասված է նախարարության հաղորդագրության մեջ, որին պատկանում է գլխավոր դատախազի գերատեսչությունը:
Սառա Նաթանյահուին կասկածում են պետության ղեկավարի նստավայրի համար ռեստորանային կերակրի պատվերների եւ քեյտերինգի ծառայությունների համար մոտավորապես 100 հազար դոլարին համարժեք գումարի ապօրինի ծախսման եւ այդ ծախսերի թաքուցման մեջ, հաղորդել է ՌԻԱ Նովոստին:
