«Մանչեսթեր Յունայթեդի» 2 խաղացողներ կասկածվում են հարկերից խուսափելու մեջ

Անգլիայում մեծ սկանդալ է հասունանում:

Մեծ Բրիտանիայի Հարկային ծառայությունը (HMRС) հետաքննում է անգլիական լիգաների 200 ֆուտբոլիստների, և նրանց թիվը մշտապես աճում է:

Ֆուտբոլիստները կասկածվում են տարբեր ընկերությունների ծառայությունների դիմելու համար, որոնք զբաղվում են հարկերի վճարման նվազեցման սխեմաներ ձևավորելով, հաղորդում է Daily Mail-ը:

Կասկածյալների թվում են «Մանչեսթեր Յունայթեդի» 2 ֆուտբոլիստներ, սակայն դեռ չի հաստատվել, որ նրանք միտումնավոր կերպով խուսափում են հարկերի վճարումից:

«Մանչեսթեր Յունայթեդը» հրաժարվել է մեկնաբանել լուրերը:

Ընդհանուր առմամբ HMRС-ի հետաքննությունում ներգրավված են 39 ակումբների ֆուտբոլիստներ:

Պատրաստեց Անի Գաբուզյանը