Սև պաղպաղակ. արևելյան էկզոտիկայի բաղադրատոմսը

Բաղադրիչներ

1. Յուղոտ կաթ – 250 մլ
2. Յուղոտ սերուցք – 250 մլ
3. Ձվի դեղնուց – 4 հատ
4. Սև քունջութի մածուկ – 4 ճ/գ
5. Շաքարավազ – 0.5 բաժակ
6. Վանիլին – 10 գ

Պատրաստման եղանակը

1. Կաթը խառնել սերուցքի կեսի հետ, դնել միջին կրակի վրա և հասցնել եռման:

2. Հետո իջեցնել կրակը և եփել մեկ րոպե:

3. Ձվի դեղնուցները բլենդերով լավ հարել շաքարավազի և վանիլինի հետ:

4. Կաթնային խառնուրդն աստիճանաբար լցնել հարած դեղնուցների մեջ՝ անընդհատ շարունակելով հարելը: Ստացված զանգվածը լցնել թասի մեջ և վերադարձնել թույլ կրակի վրա:

5. Անընդհատ խառնելով՝ զանգվածը պահել կրակի վրա (մոտ 2-3 րոպե)՝ մինչև միասեռ կրեմ դառնալը:

6. Զանգվածին ավելացնել սև քնջութի մածուկ և լավ խառնել:

7. Սառեցնել պատրաստի զանգվածը, ժամանակ առ ժամանակ խառնել այն:

8. Մնացած սերուցքը հարել բլենդերով: Հարած սերուցքն ավելացնել սառած զանգվածին և նորից լավ հարել:

9. Ստացված զանգվածն ուղարկել սառցարան: Սև պաղպաղակը պատրաստ է:

Պատրաստեց Անի Գաբուզյանը