Facebook-ն ընդլայնում է անվտանգության ստուգման գործառույթի հնարավորությունները
Facebook-ն ընդլայնում է անվտանգության ստուգման գործառույթի (Safety Check) հնարավորություններն արտակարգ իրավիճակների դեպքում: Այդ մասին հաղորդվում է ընկերության մամուլի տեղեկագրում:
Այժմ սոցցանցի օգտատերերը կկարողանան ոչ միայն հայտնել, որ իրենց վտանգ չի սպառնում, այլեւ մեկնաբանել տեղի ունեցող դեպքերը:
Նաեւ մատչելի կդառնա միջադեպի վերաբերյալ լրացուցիչ տեղեկատվությունը, որը կտրամադրի NC4 ճգնաժամային իրավիճակների մոնիթորինգի գործակալությունը: Բացի դրանից, կընդլայնվեն Community Help գործառույթի հնարավորությունները, հաղորդել է ՌԻԱ Նովոստին:
