Կենսաթոշակային ոլորտում միտումնավոր սխալները համակարգային էին
«Վերջին 4-5 տարիներին սոցիալական ոլորտը եղել է Վերահսկիչ պալատի ծրագրերում և այս ընթացքում բավականին արդյունավետ համագործակցություն ենք ունեցել»,- այսօր ԱԺ նիստում հայտարարեց ՀՀ աշխատանքի և սոցիալական հարցերի նախարար Արտեմ Ասատրյանը` ի պատասխան Հայաստանի վերահսկիչ պալատի 2015 թ. տարեկան հաշվետվությունում սոցիալական ոլորտին վերաբերող բացահայտումներին:
Նա կարևորեց արդյունքի վրա հիմնված վերահսկողությունը: Ա.Ասատրյանը նշեց, որ ժամանակին կենսաթոշակային ոլորտում միտումնավոր սխալները համակարգային էին և տրվեց համակարգային լուծում` ստեղծվեց ինքնաշխատ էլեկտրոնային համակարգ, որը սխալները հասցրել է նվազագույնի:
Նախարարը նշեց, որ ՎՊ անցած տարվա հաշվետվությունում տեղ գտած խախտումները նպաստների ոլորտում են. «Այս հարցում դեռևս չունենք կենտրոնացված տեղեկատվական համակարգ, որը կնվազեցնի մարդկային գործոնի ռիսկերը»:
