Ինչո՞ւ են նվազում ՎՊ հաշվետվությունների ծավալները
Ազգային ժողովն այսօր նիստում շարունակում է քննարկել Հայաստանի վերահսկիչ պալատի 2015 թ. տարեկան հաշվետվությունը:
«Ժառանգություն» խմբակցության քարտուղար Թևան Պողոսյանն արձանագրեց, որ տարեցտարի ՎՊ հաշվետվության ծավալները նվազում են: Նա հետաքրքրվեց՝ արդյոք իրապե՞ս իրավիճակը բարելավվում է:
ՎՊ նախագահ Իշխան Զաքարյանը նշեց, որ իրենց համար թիվ մեկ չափանիշը ուսումնասիրությունից հետո կազմված հաշվետվությունն է:
«Հաջորդ տարվա հաշվետվությունը կրկին պետք է նվազի, որովհետև մենք մոտենում ենք Ինտոսայի սկզբունքներին, որը չի պարտադրում ընթացիկ հաշվետվությունները ներառել տարեկան հաշվետվության մեջ»,- ասաց Ի.Զաքարյանը:
Այլապես, ըստ նրա, բոլոր հաշվետվություններն իրար հետ 2000 էջ և ավելի կկազմեն:
