Էլինար Վարդանյանը Օսկանյանից հրավեր չի ստացել
ԱԺ ԲՀԿ խմբակցության պատգամավոր Էլինար Վարդանյանն իր գործընկեր Վարդան Օսկանյանից դեռևս հրավեր չի ստացել ստեղծվելիք կուսակցությանն անդամակցելու համար: Այս մասին այսօր ԱԺ-ում լրագրողների հետ զրույցում ասաց Է.Վարդանյանը:
«Հրավեր լինելու դեպքում կքննակեմ հարցը և որևէ բան չեմ բացառում»,- ասաց նա:
Է. Վարդանյանը ողջունեց Օսկանյանի՝ կուսակցություն հիմնելու որոշումը: Ըստ նրա՝ Օսկանյանը լրջագույն դերակատարություն է ունեցել ՀՀ քաղաքականության մեջ: Է.Վարդանյանը հորդորեց չշահարկել այն հարցը, որ Օսկանյանի անունը կապվում է Մարտի 1-ի հետ: Նա հրաժարվեց մեկնաբանել Օսկանյանի կուսակցությանը Ռոբերտ Քոչարյանի կապի մասին լուրերը:
