ՌԴ-ն ու ԱՄՆ-ը ՄԱԿ-ի ԱԽ-ին են ներկայացրել Սիրիայում կրակի դադարեցման մասին բանաձևի նախագիծը
Ռուսաստանն ու ԱՄՆ-ը ՄԱԿ-ի Անվտանգության խորհրդին են ներկայացրել Սիրիայում դադարեցման ռեժիմի բանաձևի նախագիծը: Փաստաթուղթը պետք է ուժի մեջ մտնի փետրվարի 27-ի կեսգիշերին:
Այս մասին հայտնել է Անվտանգության խորհրդում նախագահող վենեսուելացի դիվանագետ Ռաֆայել Ռամիրեսը լրագրողների հետ հանդիպման ժամանակ: Այս մասին հայտնում է LifeNews-ը:
«Մենք ստացել ենք բանաձևի նախագիծը Ռուսաստանի ու Միացյալ Նահանգների պատվիրակություններից՝ հօգուտ քաղաքական գործընթացի աջակցության ու կրակի դադարեցման»,- ասել է նա:
Դիվանագետը նաև հայտնել է, որ ՄԱԿ-ի ԱԽ-ի անդամները հաշվարկում են փաստաթուղթը հաստատել որքան հնարավոր է արագ:
