Օբաման այսօր հայտարարություն կանի Գուանտանամոյի տխրահռչակ բանտի փակման վերաբերյալ
ԱՄՆ-ի իշխանությունները հայտարարել են, որ պատրաստ է Կուբայում գտնվող Գուանտանամոյի բանտի փակման պլանը, հայտնում է Associated Press-ը:
Հաղորդվում է, որ բանտի բանտարկյալները կտեղափոխվեն ԱՄՆ-ի տարածքում տեղակայված մյուս բանտեր: Ներկայում Գուանտանամոյում գտնվում է 97 բանտարկյալ, որոնցից 35-ն այս ամռանն արդեն կտեղափոխվի ԱՄՆ: Մյուս բանտարկյալներին կա´մ մինչ օրս մեղադրանք չի առաջադրվել, կա´մ նրանք չափազանց վտանգավոր են տեղափոխման համար:
Ամերիկյան իշխանությունները հայտնել են նաև, որ Գուանտանամոն պահելու վրա տարեկան ծախսվում է 445 մլն դոլար: Բանտի փակումը զգալիորեն կփոխհատուցի երկրի տնտեսությունում ծախսերի մի մասը:
2003թ. Գուանտանամոյում պահվում էր 680 բանտարկյալ, ևս 245 բանտարկյալ համալրեց բանտարկյալների թիվը ԱՄՆ նախագահ Բարաք Օբամայի ընտրվելուց հետո:
Ինչպես հայտնում է Reuters-ը, Օբաման այսօր հանդես կգա հայտարարությամբ՝ կապված բանտի հետագա ճակատագրի հետ:
Նրա ելույթը նախատեսված է տեղի ժամանակով ժ. 10.30-ին:
