Sony-ն սմարթֆոնների նոր շարք Է ներկայացրել
Sony ընկերությունը Mobile World Congress 2016 ցուցահանդեսի շրջանակներում ներկայացրել է Xperia X սմարթֆոնների նոր շարքը՝ Android 6.0 Marshmallow գործառնական համակարգի կառավարմամբ:
Շարքը բաղկացած Է երեք մոդելներից՝ դիսփլեյների՝ 5 դյույմ անկյունագծով: Ստանդարտ լրակազմով Xperia X սմարթֆոնը հանդերձված Է Snapdragon 650 պրոցեսորով, երեք գիգաբայթ գործառնական եւ 32 գիգաբայթ ներսարված հիշողությամբ:
Sony-ի ներկայացուցիչների հավաստիացումներով՝ սմարթֆոնը կարող Է առանց լրալիցքավորման աշխատել երկու օր:
Xperia X Performance պրեմիում տարբերակն աչքի է ընկնում Snapdragon 820 ավելի հզոր պրոցեսորով, ինչպես նաեւ փոշե- եւ ջրապաշտպան պատյանով:
Ապարատի ֆոտոմոդուլները միատեսակ են. հիմնական խցիկը՝ 23 մեգափիքսել լուծաչափով, եւ 13-մեգափիքսելանոց ճակատային մատրիցը:
Xperia XA երրորդ լրակազմը բյուջետային է: Դրա դիսփլեյի լուծաչափը կազմում է 1280՝ 720 կետի վրա, իսկ հիմնական եւ ճակատային խցիկները՝ 13 եւ 8 մեգափիքսել:
Բոլոր մոդելներն էլ վաճառքի կհանվեն ոսկեգույն, սպիտակ, վարդագույն եւ սեւ գունավորումներով:
