«Գվարդիոլան «Մանչեսթեր Սիթին» կդարձնի գերիշխող ուժ Չեմպիոնների լիգայում». Կարլո Անչելոտի
«Ռեալի» և «Չելսիի» նախկին գլխավոր մարզիչ Կարլո Անչելոտին վստահ է, որ Պեպ Գվարդիոլան «Մանչեսթեր Սիթին» կդարձնի «գերիշխող» ուժ եվրոպական արենայում:
Ունենալով հզոր տերեր Աբու-Դաբիից՝ «քաղաքայինները» հսկայական հաջողության են հասել ներքին արենայում, բայց Եվրոպայում «Մանչեսթեր Սիթիին» դեռ չեն դասում «Բարսելոնայի» և «Բավարիայի» նման ծանրաքաշների շարքում:
Սակայն Անչելոտին վստահ է, որ Գվարդիոլան, ում ինքը պետք է փոխարինի Մյունխենում, կկարողանա գտնել «Սիթիի» փողերի ճիշտ կիրառումը:
««Մանչեսթեր Սիթիի» ետևում կանգնած են մարդիկ, որոնք հսկայական փողեր են ներդնում: Հիմա, շնորհիվ նոր մարզչի և լրացուցիչ ներդրումների, նրանք կդառնան գերիշխող ուժ Չեմպիոնների լիգայում»,- ասել է Անչելոտին Manchester Evening News-ին տված հարցազրույցում:
Պատրաստեց Անի Գաբուզյանը
