Ֆրանսիայում արտակարգ դրության ռեժիմը երկարաձգվել է
Ֆրանսիայում խորհրդարանի թույլտվությամբ երկրում երկարաձգվել է արտակարգ դրության ռեժիմը ևս 3 ամսով, հայտնում է BFMTV հեռուստաալիքը:
Հաղորդվում է, որ տվյալ օրենքի ընդունման օգտին քվեարկել է 212 պատգամավոր, դեմ՝ 31-ը:
2015թ. նոյեմբերին արտակարգ միջոցառումների կողմնակիցների թիվն ավելի շատ էր՝ կողմ էր քվեարկել 551 պատգամավոր, 6-ը՝ դեմ, 1 ձեռնպահ:
Անցած շաբաթ արտակարգ դրության մասին օրինագծի երկարաձգմանը հավանության էր արժանացրել նաև երկրի Սենատը՝ հայտարարելով, թե ահաբեկչական սպառնալիքի մակարդակը «ավելի մեծ է, քան երբևէ»:
Ավելի վաղ Ֆրանսիայի ազգային ժողովը հավանության էր արժանացրել ահաբեկչության համար դատապարտված քաղաքացիներին քաղաքացիությունից զրկելու որոշումը:
Ֆրանսիայում արտակարգ դրության մասին ռեժիմը սահմանվել էր 2015թ. նոյեմբերի 13-ի իրադարձություններից հետո, երբ սպանվեց 130 մարդ:
