Ավտոմեքենաներն արգելափակվել են ձնակույտում
Փետրվարի 17-ին, ժամը 03.25-ին ահազանգ է ստացվել, որ Արագածոտնի մարզի Ապարան քաղաքի գերեզմանատան մոտակայքում ավտոմեքենան արգելափակվել է ձյան շերտում. դուրս բերելու համար անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Հրշեջ-փրկարարներն արգելափակումից դուրս են բերել «ԳԱԶել» մակնիշի 35 LP 773 պետհամարանիշի (վարորդ՝ Հ.Խ.) ավտոմեքենան:
***
Փետրվարի 17-ին, ժամը 01.55-ին ահազանգ է ստացվել, որ Հրազդան-Ծաղկաձոր ավտոճանապարհին ավտոմեքենան արգելափակվել է ձյան շերտում. դուրս բերելու համար անհրաժեշտ է օգնություն:
Դեպքի վայր է մեկնել ՀՓՋ-ի օպերատիվ խումբը:
Պարզվել է, որ «Օպել Վեկտրա» մակնիշի 83 DQ 083 պետհամարանիշի (վարորդ՝ Է. Ն.) ավտոմեքենան արգելափակվել է «Արարատ» ռեստորանային համալիրի մոտակայքում:
Հրշեջ-փրկարարներն արգելափակումից դուրս են բերել ավտոմեքենան:
