Օլանդը կոչ է արել Ռուսաստանին դադարեցնել Սիրիայում ռմբակոծությունները
Ֆրանսիայի նախագահ Ֆրանսուա Օլանդը կոչ է արել Մոսկվային կասեցնել Սիրիայում ավիահարվածները: Այս մասին նա ասել է երկրի արտգործնախարարի փոփոխությունից հետո տված իր հարցազրույցում, հայտնում է Reuters-ը:
«Մենք խնդրում ենք, որ Ռուսաստանի գործողությունները դադարեցվեն, քանի որ հազարավոր մարդիկ են լքել իրենց տները ռմբակոծությունների պատճառով: Մեզ հարկավոր է վստահ լինել, որ Բաշար Ասադը կթողնի իր պաշտոնը»,- ասել է Օլանդը:
Նա նաև մեղադրել է Սիրիայի նախագահ Բաշար Ասադին Ռուսաստանի օգնությամբ սեփական ժողովրդին սպանելու մեջ:
