Լեհաստանը մտադիր է միանալ ԴԱԻՇ-ի դեմ պայքարին
Լեհաստանը մտադիր է մասնակցել ԴԱԻՇ-ի դեմ պայքարին, հայտնում է Reuters-ը՝ հղում կատարելով երկրի պաշտպանության նախարար Անտոնիա Մաչերևիչին:
Հաղորդվում է, որ Մաչերևիչը տվյալ հայտարարությունն արել է ԱՄՆ պաշտպանության նախարարի հետ Բրյուսելում ունեցած հանդիպումից հետո:
«Լեհաստանը մտադիր է միանալ գործողություններին, որոնք հիմա այդքան կարևոր են ՆԱՏՕ-ի հարավային սահմանի համար»,- հայտարարել է լեհ նախարարը:
«Ինչ վերաբերում է մանրամասներին, մենք պետք է դրանք քննարկենք, մասնավորապես մենք դիտարկում ենք դա ՆԱՏՕ-ի գործողությունների լայն համատեքստում՝ հուսալով, որ ՆԱՏՕ-ն ու ԱՄՆ-ը կաջակցեն Լեհաստանին ու մյուս երկրներին արևելյան ճակատում իրենց մշտական ներկայությամբ»,- ասել է Մաչերևիչը:
Նախարարի խոսքով՝ ԴԱԻՇ-ի դեմ պայքարի Լեհաստանի մասնակցությունը կներառի հետախուզություն ու ուսուցում:
