Սումգայիթում առևտրականները բողոքի ակցիայի են դուրս եկել
Այսօր Սումգայիթի «Քարվան» առևտրի կետում բողոքի ակցիայի են դուրս եկել առևտրականները, հայտնում է haqqin.az-ը:
Տեղեկությունների համաձայն՝ առևտրականները դժգոհ են առևտրի կենտրոնի բարձր վարձավճարներից ու պահանջում են այն նվազեցնել:
Ցուցարարների խոսքով՝ առևտրի կենտրոնի ադմինիստրացիան հունվարի 28-ին խոստացել է նվազեցնել 50%-ով վարձակալության վճարը, սակայն չի իրականացրել խոստումը:
Առևտրի կենտրոնի ղեկավարությունը հանդիպել է ցուցարարներին ու բանակցությունների արդյունքում վարձավճարը նվազեցվել է:
