«Ազերիներն ավելի ճիշտ են գնահատում ԵՀՄՖ-ի կատարած աշխատանքը ԵԽ ԽՎ-ում, քան ՀՀ իշխանությունը». ԵՀՄՖ
Ինչպես հետևում է ադրբեջանական ԶԼՄ-ներից, Ադրբեջանն ուղղակի շոկի մեջ է ԵՀՄՖ-ի՝ ԵԽ ԽՎ-ում կատարած աշխատանքներից և կտրուկ արձագանք է պատրաստել Եվրոպահայերի ֆորումի գործընկերների վրա: Ինչպես հայտնում է ru.oxu.az կայքը, Ադրբեջանի իշխանությունները պատրաստվում են ետ կանչել Սլովակիայում իրենց դեսպանին և ԱԳՆ հրավիրել Ադրբեջանում Սլովակիայի դեսպան պարոն Պրիպուտենին՝ հաշիվ պահանջելու համար ԵԽ ԽՎ-ում Սլովակիայի պատվիրակության «բացառիկ անընդունելու» վարքի համար. ողջ սլովակ պատվիրակությունը միաձայնությամբ դեմ է քննարկել հակահայկական երկու բանաձևերին:
ԵՀՄՖ Նախագահությունը, ինչպես արդեն հայտնել է, շարունակելու է պայքարը Եվրոպայի մոտ երկու տասնյակ երկրներում Ադրբեջանի դեմ. կազմվել է բանաձև ամերիկյան սանկցիաները սատարելու և համանման սանկցիաներ ԵԽԽՎ-ում քվեարկության դնելու ուղղությամբ:
Ադրբեջանական կողմը հավանաբար տառապում է ամնեզիայով, քանի որ ներկայիս վրդովմունքն այսքան ցավալի չէր լինի իրենց կողմից, եթե նախօրոք գիտակցեին սեփական քաղաքական կարճատես քայլերը, որն արտահայտվել է տարիներ շարունակ սլովակ քաղաքական գործիչների հանդեպ ադրբեջանական կառավարության կողմից «պերսոնա նոն գրանդա» հայտարարելով՝ ինչ է թե նրանք ԵՀՄՖ նախագահի ուղեկցությամբ բազմակի անգամ այցելել են ԼՂՀ որպես դիտորդ և տվել իրենց բարձր գնահատականը եվրոպական ժողովրդավարական հիմունքների վրա կազմակերպած ընտրությունների և կայացած պետական ինստիտուտների վերաբերյալ:
ԵՀՄՖ-ի նախագահի կարծիքով, բոլոր գործընկեր երկրները տրամադրված են Ադրբեջանի դեմ, և վերջին տարիներին ազերիների գործոնը՝ նավթը և գազը, կտրուկ իջեցրել է իր հետաքրքրության մակարդակը: Ցավալի է միայն, որ ՀՀ իշխանությունները իրենց անձնական շահի հետևից ընկած, չեն գիտակցում ԵՀՄՖ-ի հետ ակտիվ գործունեության անհրաժեշտությունը: Հակառակ պարագայում այն խայտառակությունը, ինչ տեղի ունեցավ ամիսներ առաջ ԵԽ ԽՎ-ում՝ կապված հակահայ բանաձևերի քվեարկության արդյունքի հետ, տեղի չէր ունենա:
Այնուամենայնիվ, կարծում ենք, որ սփյուռքահայ ակտիվ գործիչների համատեղ աշխատանքի պայմաններում վերը նշված բացը չի ունենա էական ազդեցություն, և Ադրբեջանը կստանա արժանի պատիժ՝ իր հակահայ գործունեության պատճառով:
ԵՀՄՖ մամլո քարտուղարություն
