Վահագն Գուրզադյանն ու Ռոջեր Փենրոուզը ներկայացրել են մինչ Մեծ պայթյունը գոյություն ունեցած գերքաղաքակրթությունների քարտեզը
Ֆիզիկոս-մաթեմատիկոսներ Վահագն Գուրզադյանը Երևանի Արտեմ Ալիխանյանի լաբորատորիայից ու Ռոջեր Փենրոուզը Օքսֆորդի համալսարանից, ներկայացրել են մինչ Մեծ պայթյունը գոյություն ունեցող գերքաղաքակրթությունների հնարավոր բնակության վայրի մասին քարտեզը:
Հեղինակներն իրենց հետազոտությունը հրապարակել են arXiv.org կայքում: Իրենց աշխատանքում գիտնականները դիտարկում են մնացուկային ճառագայթման քարտեզը, որի վրա շեղումները մեկնաբանում են որպես Տիեզերքի նախորդ գոտում գոյություն ունեցող բարձրտեխնոլոգիական հասարակությունների առկայության նշան:
Մնացուկային ճառագայթման տվյալները գիտնականները ներկայացնում են իրենց մշակած հարմարավետ փուլային տիեզերաբանության համատեքստում:
Այդ տեսությունը ենթադրում է Տիեզերքի փուլային զարգացում, որըեղ մի դարաշրջանը (էոն) մյուսից տարբերվում է Մեծ պայթյունով (Գուրզադյանի ու Փենրոուզի տեսության մեջ նկատի է առնվում Տիեզերքի զանգվածի վերածումը էներգիայի, որն ուղեկցվում է աշխարհի երկրաչափության փոփոխությամբ):
Գիտնականների կարծիքով՝ անհետացած քաղաքակրթություններն ի վիճակի են եղել տեղեկությունը փոխանցել սև անցքերի բախումների օգնությամբ:
Նման գործողությունների անհրաժեշտությունը գիտնականները բացատրում են մի քանի պատճառներով: Առաջին՝ նախորդ գոտու քաղաքակրթություններն իրենց ուղերձների օգնությամբ, հնարավոր է, որ փորձել են նախազգուշացնել ժամանակակից էոնի հասարակությանը իրենց ճակատագրի մասին ու այդկերպ նրանց ուղեցույց լինել: Երկրորդ՝ գերքաղաքակրթությունների ուղերձը կարող է պարունակել կյանքի առաջացման մասին տվյալներ: