Վթար Իսակովի պողոտայում
Դեկտեմբերի 20-ին, ժամը 07.51-ին ահազանգ է ստացվել, որ Երևանի Իսակովի պողոտայում՝ «ԱՄՆ» դեսպանատան մոտակայքում, տեղի է ունեցել ՃՏՊ, առկա է վառելիքի արտահոսք. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ բախվել են «Ford Transit» մակնիշի 34 SV 896 (վարորդ՝ Ա. Մ.) և «Opel Vectra» մակնիշի 19 LO 221 պետհամարանիշներով (վարորդ՝ Ա. Մ.) ավտոմեքենաները: Տուժածներ չկան: «Ford Transit» ավտոմեքենայից առկա է վառելիքի արտահոսք:
Հրշեջ-փրկարարները հոսանքազրկել են ավտոմեքենաները և իրականացրել ավտոճանապարհի լվացման աշխատանքներ:
