ԱՄՆ-ը չի փոխել դիրքորոշումն Ասադի հանդեպ
Սպիտակ տան մամլո քարտուղար Ջոշ Էռնեստը հայտարարել է, որ ԱՄՆ իշխանությունները չեն փոխել դիրքորոշումը Սիրիայի նախագահ Բաշար Ասադի հանդեպ, տեղեկացնում է Interfax-ը:
Ավելի վաղ Մոսկվա կատարած այցի ընթացքում ԱՄՆ պետքարտուղար Ջոն Քերին հայտարարել է, որ չի ձգում փոխել Սիրիայում ռեժիմը: Դա հարցեր էր առաջացրել լրագրողների մոտ Մերձավոր արևելքում ԱՄՆ քաղաքականության հնարավոր մեղմացման մասին:
Էռնեստն ընդգծել է, որ Քերին «հստակ հասկացրել է, որ Բաշար Ասադը կորցրել է լեգիտիմությունն ու չի կարող ղեկավարել երկիրը»:
Սպիտակ տան ներկայացուցիչն ընդգծել է, որ «պետք չէ ակնկալել ԱՄՆ քաղաքականության փոփոխություն այդ հարցի վերաբերյալ»:
