Կոլումբիան հայտարարել է գանձերով լի իսպանական գալեոն հայտնաբերելու մասին
Կոլումբիայի իշխանությունները հայտնել են, որ հայտնաբերել են իսպանական խորտակված նավի բեկորները, որտեղ, ենթադրաբար, գտնվում են գանձեր, որոնց գինը ներկայում կարող է հասնել միլիարդավոր դոլարների:
Twitter-ի իր էջում Կոլումբիայի նախագահ Խուան Մանուել Սանտոսը հայտնել է, որ նավը կոչվել է «Սան-Խոսե», ու խոստացել է մանրամասները հաղորդել այսօր:
Հայտնի է, որ իսպանական գալեոնը խորտակվել է 1708թ.՝ անգլիացիների կողմից: Համարվում է, որ նավում եղել է զմրուխտների խմբաքանակ, ինչպես նաև՝ ոսկե ու արծաթե դրամների մեծ քանակություն:
