ԱՄՆ Պետդեպը Լավրովին մեղադրել է Օբամայի խոսքերը խեղաթյուրելու մեջ
ԱՄՆ Պետդեպարտամենտը հայտարարել է, որ Ռուսաստանի արտգործնախարար Սերգեյ Լավրովը իր մեկնաբանություններում, որոնք վերաբերել են մասնավորապես ԱՄՆ նախագահ Բարաք Օբամայի՝ Եվրոպայում հակահրթիռային պաշտպանության համակարգերի (ՀՀՊ) տեղադրման փաստին, խեղաթյուրել է փաստերը:
«Նա (Լավրովը) մեկնաբանել է նախագահի (Օբամա) խոսքերը, ու անկեղծ ասած, ճիշտը չի ասել հակահրթիռային պաշտպանության համակարգերի մասին: Լավագույն դեպքում՝ դա ընտրողաբար ընթերցում է, վատագույն դեպքում՝ փաստերի դիտավարյալ անտեսում»,- ճեպազրույցի ժամանակ ասել է ԱՄՆ գերատեսչության ներկայացուցիչ Մարկ Թոները:
Ավելի վաղ Սերգեյ Լավրովը, հիշել էր Օբամայի խոսքերը, որ վերջինս արտաբերել էր 2009 թվականին այն մասին, որ Իրանի հետ միջուկային համաձայնագրի կնքումը Եվրոպայում ամերիկյան ՀՀՊ համակարգերի տեղադրումը կդարձնի ավելորդ:
Պետդեպում նշել են, որ իրանական հարցի լուծումը ոչինչ չի փոխել, քանի որ ԱՄՆ-ը մտադիր է պաշտպանվել ոչ միայն Իրանի միջուկային հրթիռներից:
