Կյանքս կտամ Պրիմերան հաղթելու համար
Մադրիդի «Ատլետիկոյի» հարձակվող Ֆերնանդո Տորեսը հայտարարել է, որ հարազատ ակումբի հետ Իսպանիայի առաջնությունը հաղթելը հանդիսանում է իր կյանքի գլխավոր նպատակը:
«Ինձ համար դեռևս կան տիտղոսներ, որոնք ես ցանկանում եմ նվաճել: Օրինակ` ես ձեռքիցս բաց եմ թողել հաղթանակը Լա լիգայում: Ես երբեք չեմ հաղթել Պրիմերայում, և հոյակապ կլիներ հասնել դրան` «Ատլետիկոյի» հետ միասին: Մենք պետք է միշտ ամեն ինչի գնանք: Ես կտայի կյանքս և այն ամենը, ինչ ունեմ, Իսպանիայի առաջնությունում չեմպիոն դառնալու համար:
Ես ուզում եմ շարունակել հաղթել, գերազանց եմ ինձ զգում և լի եմ բարձր մակարդակով հանդես գալու էնտուզիազմով: Ես դեռ բավականին տարիներ ունեմ և ցանկանում եմ հաճույք ստանալ դրանից «Ատլետիկոյի» հետ: Ցանկանում եմ, որպեսզի մարդիկ կիսեն ինձ հետ այդ հաճույքը: Ցանկանում եմ նվաճել տիտղոսներ: Կլինի դա այս մրցաշրջանո՞ւմ, հաջորդո՞ւմ, թե՞ ավելի ուշ, նշանակություն չունի»,- ցիտում է 31-ամյա իսպանացուն Goal-ը:
Պատրաստեց Անի Գաբուզյանը
