Տավուշի մարզում ավտոմեքենան գլորվել է ձորը
Հուլիսի 6-ին, ժամը 08.50-ին ահազանգ է ստացվել, որ Չինչին-Թովուզ ավտոճանապարհի 3-րդ ոլորանին ավտոմեքենա է գլորվել ձորը. անհրաժեշտ է օգնություն:
Դեպքի վայր է մեկնել մեկ մարտական հաշվարկ:
Պարզվել է, որ Բերդ-Չինչին ավտոճանապարհի 9-րդ կմ-ին դեռևս չբացահայտված հանգամանքներում «ՎԱԶ-2121» մակնիշի 18 LL 055 պետհամարանիշով ավտոմեքենան դուրս է եկել երթևեկելի մասից և ընկել ձորը. տուժածներ չկան:
Հրշեջ-փրկարարները ձորից դուրս են բերել ավտոմեքենան:
