Աչաջուր գյուղի տներից մեկի խուզարկությամբ հետախուզվող է հայտնաբերվել
Մայիսի 25-ին, ժամը 08.15-ին, ոստիկանության Իջևանի բաժնի ծառայողները Կենտրոն և Նորք-Մարաշ վարչական շրջանների ընդհանուր իրավասության դատարանի որոշման համաձայն՝ Աչաջուր գյուղի տներից մեկի խուզարկությամբ հայտնաբերել են 1987 թ. ծնված Հովհաննես Ղ.-ին, որը փետրվարի 13-ից ոստիկանության Իջևանի բաժնի կողմից հետախուզվում էր ՀՀ քրեական օրենսգրքի 131 հոդվածի (Մարդուն առևանգելը) 2-րդ մասի 1-ին և 2-րդ կետերի մեղադրանքով:
