Հյուրընկալվել է ընկերոջ տանը և գողացել նրա ոսկյա շղթան

Ապրիլի 30-ին, ժամը 00.05-ին, 1985 թ. ծնված Էդվարդ Մ.-ն ոստիկանության Մասիսի բաժնում հաղորդում է տվել, որ ապրիլի 29-ին, ժամը 13.20-ի սահմաններում, իր ընկերոջ` 1988 թ. ծնված Սամվել Ս.-ի հետ եկել են իր բնակարան և ժամը 14.00-ին դուրս եկել, իսկ երեկոյան ժամը 20.00-ի սահմաններում վերադարձել է և նկատել, որ իր 130.000 դրամ արժողության ոսկյա շղթան բացակայում է և կասկածում է, որ այն գողացել է Սամվել Ս.-ն:

Ձեռնարկված օպերատիվ-հետախուզական միջոցառումների շնորհիվ՝ ապրիլի 30-ին, ժամը 01.00-ին, Սամվել Ս.-ն հրավիրվել է բաժին և բացատրական աշխատանքների շնորհիվ՝ խոստովանել կատարածը:

Նախապատրաստվում են նյութեր:

ՀՀ ոստիկանություն