Մահացել է լրագրող և հեռուստահաղորդավար Վլադիմիր Մոլչանովը
Մահացել է լրագրող և հեռուստահաղորդավար Վլադիմիր Մոլչանովը: Այս մասին հայտնել է նրա գործընկեր Յուրի Ռոստը։ Մոլչանովը 75 տարեկան էր։ Նա լայն ճանաչում էր ձեռք բերել «Վրեմյա» (Время), «90 րոպե» (90 минут) և հատկապես «Կեսգիշերից առաջ և հետո» (До и после полуночи) հաղորդումների շնորհիվ։
Լեգենդար հեռուստահաղորդավար Վլադիմիր Մոլչանովը վերջին անգամ հոսպիտալացվել էր անցյալ տարվա դեկտեմբերի սկզբին՝ որովայնի շրջանում ցավերի գանգատով։ Հայտնի է նաև, որ 2021 թվականին նա լյարդի փոխպատվաստման էր ենթարկվել ուռուցքային հիվանդության պատճառով, իսկ 2022 թվականին ինֆարկտ էր տարել։
Լրագրողը մահացել է հիվանդանոցում՝ երկարատև հիվանդության հետևանքով։
