ՆԱՏՕ-ի հանդիպման ժամանակ Ֆիդանը կհայտարարի Ուկրաինայում հակամարտության դադարեցման անհրաժեշտության մասին
Թուրքիայի արտաքին գործերի նախարար Հաքան Ֆիդանը կմասնակցի Բրյուսելում կայանալիք ՆԱՏՕ-ի նախարարական հանդիպմանը և դեկտեմբերի 3-ին կայանալիք ՆԱՏՕ-Ուկրաինա խորհրդի նիստին։ Այս մասին TASS-ին հայտնել են Թուրքիայի արտաքին գործերի նախարարության աղբյուրները։
«Նախարար Ֆիդանը նախատեսում է հայտարարել Ռուսաստանի և Ուկրաինայի միջև պատերազմը դադարեցնելու և արդար ու կայուն խաղաղություն հաստատելու համար պայմաններ ստեղծելու անհրաժեշտության մասին և արտահայտել իր տեսակետը [հակամարտության վերաբերյալ] վերջին իրադարձությունների շուրջ։ Նա կընդգծի խաղաղ գործընթացին ցանկացած ներդրում կատարելու Թուրքիայի պատրաստակամությունը», – նշել է զրուցակիցներից մեկը։
Թուրքիան նաև կհաստատի իր աջակցությունը Ուկրաինայի անկախությանը, ինքնիշխանությանը և տարածքային ամբողջականությանը։
