Վեհափառին խնդրում եմ ներողամիտ լինել այդ հոգևորականների հանդեպ, որովհետև նրանք որպես պատանդ են գտնվում են Փաշինյանի ճիրաններում. Ռուսլան Բաղդասարյան
Դավթաշեն վարչական շրջանի նախկին ղեկավար Ռուսլան Բաղդասարյանը Ֆեյսբուքի իր էջում գրում է. «Նիկոլ Փաշինյանը 2018-ին «թավշյա, ոչ բռնի հեղափոխության» անվան տակ, Արցախը բոլորիս հայրենիքը կոչելով` եկավ իշխանության: Այնուհետև մեր հասարակությունը կիսվեց սևի և սպիտակի: Արցախը կորցրեցինք:
Մանվել Գրիգորյանին մեղադրեցին «տուշոնկա » գողանալու մեջ ( ուզում եմ հիշեցնել, որ այդ ժամանակ հասարակության գերակշիռ մասը հավատաց այդ շինծու պրոպագանդային), սակայն դա էլ սարքած էր գեներալից վարկաբեկելով ազատվելու համար:
Չթվարկելով վերջին 7 տարիների մեր անցած դժոխային օրերին հնչած կեղծիքներն ու մարդկանց վարկաբեկումները ՝ հիմա էլ մի «տուշոնկա» շոու է բեմադրված Արշակ սրբազանին վարկաբեկելու համար, և այդ վարկաբեկումը հենց պիտի ծառայի Վեհափառից ազատվելուն:
Եվ հիմա էլ մի քանի եպիսկոպոսներ իբր թե եկեղեցու միասնականության համար օրը մի հայտարարություն են անում ՝ հենց այդ հայտարարություններով էլ երկպառակություն մտցնում եկեղեցու ներսում:
Բայց Վեհափառից մի խնդրանք ունեմ.
որդիական խոնարհությամբ խնդրում եմ ներողամիտ լինել այդ հոգևորականներին, որովհետև նրանք որպես պատանդ են գտնվում են Փաշինյանի ճիրաններում: Ինչ տարբերություն այդ եպիսկոպոսները այստեղ են պատանդ, թե՞ Փաշազադեի կամ Ալիևի մոտ: Չէ՞, որ բոլորս ենք վստահ , եթե վաղը Փաշինյանը չլինի , նրանք մեղայականով գալու են Վեհափառի մոտ»:
