Հրդեհ՝ Զանգեզուրի կոմբինատում․ դեպքի վայր է մեկնել 6 մարտական հաշվարկ
Նոյեմբերի 29-ին՝ ժամը 19։07-ին, Սյունիքի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ հրդեհ է բռնկվել Զանգեզուրի պղնձամոլիբդենային կոմբինատի արտադրական շինության տարածքում․ տեղեկանում ենք ՆԳն լրատվական ծառայությունից։
«Դեպքի վայր է մեկնել 6 մարտական հաշվարկ և երկու օպերատիվ խումբ։
Ըստ նախնական տվյալների՝ հրդեհ է բռնկվել պահեստային շինությունում։
Հրդեհը մեկուսացվել է ժամը 19։50-ին։ Այժմ իրականացվում է հրդեհաշիջում։ Կտրվի լրացուցիչ տեղեկություն»,- ասված է պաշտոնական հաղորդագրությունում։

