Sotheby’s -ի «ռուսական վաճառքի» թոփ-լոտը դարձել է Այվազովսկու կտավը

Լոնդոնի Sotheby’s աճուրդային տանը անցկացվել է ռուսական արվեստի մասնագիտացված աճուրդ «Fabergé, Imperial & Revolutionary Art » վերնագրով: Աճուրդի թոփ-լոտը եղել է հայազգի աշխարհահռչակ ծովանկարիչ Հովհաննես Այվազովսկու «Փրկվածները» (1878) նկարը, որը վաճառվել է 4.188 միլիոն ֆունտ ստեռլինգով: Այս նկարը վերջին անգամ Sotheby’s-ը վաճառել էր 745,000 ֆունտ ստեռլինգով 2004 թվականին:

Artguide.com-ի հաղորդմամբ, աճուրդում ընդհանուր առմամբ ներկայացված էր 364 լոտ։ Այվազովսկուց բացի, գեղանկարչության բաժնում ներկայացված են եղել Իսահակ Լևիտանի, Բորիս Կուստոդիևի, Էրիկ Բուլատովի, Լեոնիդ Պուրիգինի և այլ նկարիչների աշխատանքներ։