Համացանցից վերցվում են տարբեր օգտատերերի լուսանկարներ և տեղադրվում TikTok-ում և Telegram-ում․ մեդիափորձագետը զգուշացնում է
Մեդիափորձագետ Սամվել Մարտիրոսյանը տեսանյութ է տարածել, որտեղ մասնավորապես ասում է.
«Համացանցից վերցվում են տարբեր օգտատերերի լուսանկարներ և տեղադրվում TikTok-ում և Telegram-ում կից հայհոյանքներով։
Ցավոք սրտի շատերը վճարում են, միանգամից ասեմ, որ, եթե վճարեցիք, ապա անընդհատ փող են ուզելու տարբեր հաշիվներից, հասկանալով, որ դա կարելի է ստանալ ձեզնից։ Դա դարձել է տնտեսության մի մաս։ Ի՞նչ անել, ամեն դեպքում report-ը կարող է օգուտ լինել, բայց շատ դեպքերում չի օգնում և հենց դրա համար էլ TikTok և Telegram են գցում, որովհետև այդտեղ report-ները լավ չեն օգնում, բայց ամեն դեպքում պետք է անել, եթե անգամ անծանոթի վերաբերյալ եք նման բան տեսնում, անտարբեր մի անցեք, հնարավոր է օգնի»։
