Ուիթքոֆը նշել է, որ Ռուսաստանը, Ուկրաինան և ԱՄՆ-ն պետք է դառնան բիզնես գործընկերներ
Ռուսաստանը, Ուկրաինան և Միացյալ Նահանգները պետք է դառնան բիզնես գործընկերներ՝ ուկրաինական հակամարտության խաղաղ կարգավորման արդյունքում «բարգավաճելու» համար: Այս մասին The Wall Street Journal-ի հետ զրույցում ասել է ԱՄՆ նախագահի հատուկ ներկայացուցիչ Սթիվ Ուիթքոֆը։
«Ռուսաստանն այնքան շատ ռեսուրսներ ունի, այնքան շատ տարածքներ… Եթե մենք այս ամենին հասնենք (Ուկրաինայի հակամարտության լուծումը – խմբ.), բոլորը կբարգավաճեն, և բոլորը կմասնակցեն դրան, և դա բոլորին օգուտ կբերի, բնականաբար, կծառայի որպես պաշտպանություն ապագա հակամարտություններից։ Որովհետև բոլորը կբարգավաճեն»,- ընդգծել է նա։
