Դուբայում հնդկական կործանիչը վթարի է ենթարկվել ավիաշոուի ժամանակ․ օդաչուն զոհվել է
Դուբայի ավիաշոուի ժամանակ վթարի է ենթարկվել հնդկական արտադրության «Թեջաս» տիպի կործանիչը։ Դեպքի մասին հայտնում է «DW»-ն՝ նշելով, որ օդաչուն մահացել է։
Դուբայի իշխանությունների տեղեկացմամբ՝ դեպքի վայրում աշխատում են արտակարգ ծառայությունները, իսկ հրշեջները պայքարում են բռնկված հրդեհի դեմ։
Նախնական տեղեկություններով՝ ինքնաթիռը ցուցադրական թռիչքից հետո կորցրել է կառավարումը, ցածր թռիչքի ժամանակ բռնկվել է և ընկել է ավիաշոուի տարածքից մոտ 1,6 կիլոմետր հարավ։
Հնդկաստանի ռազմաօդային ուժերը հաստատել են օդաչուի մահվան փաստը՝ նշելով, որ ստեղծվում է հատուկ հանձնաժողով՝ վթարի պատճառները պարզելու համար։
