ԱՄՆ-ն G20 գագաթնաժողովում ներկայացված կլինի դեսպանատների մակարդակով. լրատվամիջոցներ
Միացյալ Նահանգները կբոյկոտի Հարավային Աֆրիկայում շաբաթ օրը սկսվող G20 գագաթնաժողովի հիմնական նիստերը։ Դեսպանատան դիվանագիտական պատվիրակությունը, այնուամենայնիվ, կարող է մասնակցել եզրափակիչ նիստին. համապատասխան հարցումն ուղարկվել է ընդունող երկրին: Այս մասին հաղորդում է News 24-ը։
«Սկզբում ԱՄՆ-ն ընդհանրապես մասնակցելու մտադրություն չուներ, սակայն ԱՄՆ դեսպանատունը Պրետորիային տեղեկացրել է փոքր պատվիրակության մասին, որը ներկա կլինի նոյեմբերի 23-ին կայանալիք գագաթնաժողովի եզրափակիչ նիստին: Դեսպանատունը նամակ է ուղարկել՝ խնդրելով հավատարմագրել ԱՄՆ պատվիրակությանը միայն վերջին հանդիպման համար»,- գրում է հրատարակությունը։
Ավելի վաղ Սպիտակ տան մամուլի քարտուղար Քերոլին Լևիթը հայտարարել էր, որ ԱՄՆ-ն չի մասնակցում Հարավային Աֆրիկայում կայանալիք G20-ի պաշտոնական բանակցություններին։
