Թուրքիայի MİT-ի ղեկավարը հանդիպել է ՀԱՄԱՍ-ի քաղբյուրոյի ղեկավարի հետ
Թուրքիայի ազգային հետախուզական ծառայության (MİT) ղեկավար Իբրահիմ Քալընը Ստամբուլում հանդիպել է պաղեստինյան «ՀԱՄԱՍ» խմբավորման քաղբյուրոյի բանակցային խմբի ղեկավար Խալիլ ալ-Հայյայի գլխավորած պատվիրակության հետ։ Այս մասին տեղեկացնում է ermenihaber.am-ը։
«ՀԱՄԱՍ»-ի պատվիրակությունը «Գազայի հրադադարի համաձայնագրի» շրջանակներում հրադադար հաստատելու ու այդ գործընթացին հետևելու համար շնորհակալություն է հայտնել Թուրքիային և նախագահ Ռեջեփ Թայիփ Էրդողանին միջնորդության և երաշխավորության համար։
Հանդիպման ընթացքում կողմերը քննարկել են հրադադարի գործընթացը և առկա խնդիրների հաղթահարման համար ձեռնարկվելիք անհրաժեշտ քայլերը։ Խորհրդակցություններ են տեղի ունեցել նաև հրադադարի պլանի հաջորդ փուլերի իրականացման ուղիների վերաբերյալ։
Բացի այդ, քնարկվել են նաև Գազային տրամադրվող հումանիտար օգնության վերաբերյալ հարցեր։
