Թրամփ․ Չինաստանը գիտակցում է Թայվան ներխուժելու հետևանքները
ԱՄՆ նախագահ Դոնալդ Թրամփը CBS News-ին տված հարցազրույցում հայտարարել է, որ Չինաստանի Ժողովրդական Հանրապետության նախագահ Սի Ծինփինը հասկանում է Թայվան հնարավոր ներխուժման հետևանքները։
Միևնույն ժամանակ, նա հրաժարվել է հստակ ասել՝ արդյոք ԱՄՆ-ը կպաշտպանի կղզին։
Երբ նրան հարցրել են՝ արդյոք նա հրաման կտա ամերիկյան զորքերին ռազմական գործողություններ սկսել, եթե Չինաստանը ռազմական քայլեր ձեռնարկի Թայվանի դեմ, Թրամփը պատասխանել է. «Դուք կիմանաք, եթե դա տեղի ունենա, և նա գիտակցում է այդ հարցի պատասխանը»։
Նա հավելել է, որ Չինաստանի ղեկավարները «գիտեն հետևանքների մասին»։
