Գանգուր բաշով առյուծը դարձել է սոցիալական ցանցերի աստղ
Վայրի բնության լուսանկարիչ Կամբիզ Պուրգանադեի կողմից Քենիայի Մասայ Մարա արգելոցում արված գանգուր բաշով առյուծի լուսանկարը վիրուսային է դարձել՝ հիացնելով ամբողջ աշխարհի առցանց օգտատերերին։ Այս մասին գրում է NDTV-ն:
Լուսանկարում պատկերված է Նզուրի անունով առյուծը։ Նա այժմ ապրում է այլ երիտասարդ արուների հետ միասին, որոնք առանձնացել են գլխավոր խմբից։ Մասնագետները ենթադրում են, որ նրա գանգուր բաշը կարող է գենետիկական հատկանիշների, խոնավ կլիմայի և անձրևից հետո բնական չորացման համադրության արդյունք լինել:
«Հիշեք իմ խոսքերը. Նզուրին Մասայ Մարայի ամենագեղեցիկ առյուծներից մեկն է»,- մեկնաբանել է լուսանկարիչը։
