Քվենտին Տարանտինոն վերադարձել է դերասանական կարիերային
Ռեժիսոր Քվենտին Տարանտինոն միացել է «Միայն այն, ինչ մենք կրում ենք» անկախ դրամայի դերասանական կազմին: Այս մասին հաղորդում է Deadline-ը։
Սա «Քրեական ընթերցվածք» ֆիլմի ռեժիսորի ամենամեծ դերն է «Մթնշաղից մինչև լուսաբաց» ֆիլմից ի վեր։ Դրամայում նաև նկարահանվել են Սայմոն Պեգը, Սոֆիա Բուտելան և Շառլոտ Գեյնսբուրը։ Ռեժիսորը Ջեյմի Ադամսն է:
Սյուժեն պատմում է դասախոս Ջուլիանի (Պեգ) մասին, որի աշակերտուհի Շառլոտը (Բուտելա) անսպասելիորեն վերադառնում է իր հայրենի քաղաք։ Տարանտինոն կմարմնավորի Ջուլիանի ընկերոջ՝ Ջոն Պերսիի դերը, որի անսպասելի ժամանումը նույնպես բացահայտում է բազմաթիվ գաղտնիքներ։ Ներքին աղբյուրները հաղորդում են, որ ֆիլմի նման է ֆրանսիացի ռեժիսոր Էրիկ Ռոմերի աշխատանքներին:
Նկարահանումներն արդեն ավարտվել են Նորմանդիայում։ Տարանտինոն վերջերս գրել է «Քլիֆ Բութի արկածները» ֆիլմի սցենարը, որը «Մի անգամ… Հոլիվուդում» ֆիլմի շարունակությունն է։ Ռեժիսորի տասներորդ և վերջին ֆիլմի մասին դեռևս տեղեկություններ չկան։
