Ռոնալդուի որդին առաջին անգամ հրավեր է ստացել Պորտուգալիայի Մ-16 հավաքականից
Պորտուգալիայի հավաքականի ավագ, սաուդյան «Ալ Նասրի» 40-ամյա հարձակվող Կրիշտիանու Ռոնալդուի ավագ որդին առաջին անգամ հրավեր է ստացել Պորտուգալիայի մինչեւ 16 տարեկանների հավաքականից. հաղորդում է այդ երկրի ֆուտբոլային ֆեդերացիայի կայքը։
15-ամյա Կրիշտիանու Ռոնալդու կրտսերը Պորտուգալիայի Մ-16 հավաքականի կազմում կմասնակցի Թուրքիայում անցկացվելիք մրցաշարին (Ֆեդերացիաների գավաթ), որին կմասնակցեն նաեւ Անգլիայի, Ուելսի եւ Թուրքիայի թիմերը։
Ռոնալդու կրտսերը հանդես է գալիս «Ալ Նասրի» պատանեկան թիմում։
