Մանկավարժական համալսարանի ռեկտորը և բուհի այլ աշխատակիցները ձերբակալված չեն, նրանք ունեն վկայի կարգավիճակ
Մի շարք ԶԼՄ-եր հայտնում են, որ քիչ առաջ ձերբակալվել է Մանկավարժական համալսարանի ռեկտոր Սրբուհի Գևորգյանը և բուհի այլ աշխատակիցներ:
24news-ի փոխանցմամբ՝ Գևորգյանը ենթադրյալ կաշառք տալ/ստանալու գործով է ձերբակալվել: Այս պահին դեռևս պաշտոնական մեկնաբանություն ստանալ չի հաջողվում:
ArmeniaSputnik-ին համալսարանի մամուլի ծառայությունից հայտնել են, որ Մանկավարժական համալսարանի ռեկտոր Սրբուհի Գևորգյանն ու բուհի այլ աշխատակիցները ձերբակալված չեն, նրանք ունեն վկայի կարգավիճակ:
Հակակոռուպցիոն կոմիտեից Aysor.am-ին տեղեկացրել են, որ ավելի ուշ մանրամասներ կհայտնեն։
