Թրամփը հայտարարել է, որ արտամարմնային բեղմնավորումն ավելի հասանելի կդարձնի ամերիկացիների համար
ԱՄՆ նախագահ Դոնալդ Թրամփը հինգշաբթի օրը հրապարակել է միջոցառումների նոր շարք, որոնք, նրա խոսքով, զգալիորեն կնվազեցնեն արտամարմնային բեղմնավորման ընթացակարգերի և դրանց ուղեկցող դեղորայքի արժեքը։ Այս մասին հաղորդում է New York Post-ը:
Միացյալ Նահանգների նախագահը վստահ է, որ այս նախաձեռնությունը ավելի շատ ամերիկյան ընտանիքների հնարավորություն կտա երեխաներ ունենալ: Թրամփը, որը նախընտրական քարոզարշավի ժամանակ խոստացել էր արտամարմնային բեղմնավորումը դարձնել անվճար՝ ապահովագրական ծրագրերի կամ պետական սուբսիդիաների միջոցով, հայտարարեց երկու նախնական քայլի մասին, որոնք ուղղված են գործատուներին խրախուսելու առաջարկել վերարտադրողական ծառայությունների լրացուցիչ ապահովագրական ծածկույթ, ինչպես նաև դեղերի գների նվազեցմանը:
Թրամփը հայտարարել է, որ արտամարմնային բեղմնավորման իր նախաձեռնությունները կհանգեցնեն «ավելի առողջ հղիությունների, ավելի առողջ երեխաների և բազմաթիվ գեղեցիկ ամերիկացի երեխաների լույս աշխարհ գալուն»։
