Ուկրաինան սկսել է ավելի ակտիվորեն համագործակցել ամերիկյան հետախուզության հետ. լրատվամիջոցներ
Ուկրաինայի և ԱՄՆ հետախուզական ծառայությունները սկսել են ավելի ակտիվ համագործակցել: Այս մասին հաղորդում է Politico թերթը՝ հղում անելով անանուն ուկրաինացի պաշտոնյայի։
«Այո, հետախուզական ծառայությունները շատ ակտիվորեն համագործակցում են։ Բայց մեզ համար ավելի կարևոր է, որ նրանք օգնում են հասկանալ Ռուսաստանի մտադրությունները, օգնում են հակաօդային պաշտպանության հարցում։ Բայց մեր զենքերը կատարելագործվել են, և դա նույնպես օգտակար է»,- ասել է թերթի աղբյուրը։
Politico-ն նշում է, որ հակամարտության մեծ մասի ընթացքում Ռուսաստանը կարողացել է հարվածել Ուկրաինային գործնականում առանց որևէ հակահարվածի, սակայն այս դրությունը փոխվում է: Իր սեփական անօդաչու թռչող սարքերի և հեռահար հրթիռների մշակման, ինչպես նաև արտադրության աճի շնորհիվ Ուկրաինան այժմ կարող է գրեթե ամեն օր հարվածել Ռուսաստանին: Ուկրաինան կարող է թիրախավորել ոչ միայն նավթավերամշակման գործարանները, այլև էլեկտրակայաններն ու ենթակայանները, գրում է թերթը:
