Պեսկովը հայտնել է, թե երբ տեղի կունենա Պուտինի ու Թրամփի հեռախոսազրույցը
Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի միջև հեռախոսազրույցը կկայանա, հենց որ այս հարցի շուրջ համաձայնություններ ձեռք բերվեն: Այս մասին, ինչպես գրում է РИА Новости-ն, հայտարարել է Ռուսաստանի նախագահի մամուլի քարտուղար Դմիտրի Պեսկովը։
Թրամփը նախկինում լրագրողներին ասել էր, որ Պուտինի հետ կարող է քննարկել Ուկրաինային Tomahawk հրթիռների հնարավոր մատակարարման հարցը։ ԱՄՆ նախագահի խոսքով՝ Վաշինգտոնը կարող է հրթիռներ տրամադրել Ուկրաինայի զինված ուժերին, եթե ուկրաինական հակամարտությունը չկարգավորվի։
«Հեռախոսազրույցի վերաբերյալ դեռևս հստակ պայմանավորվածություններ չկան։ Հենց որ դրանք ի հայտ գան, զրույցը կկայանա»,- ասել է Պեսկովը:
