Իսրայելի պաշտպանության բանակն ավարտել է Գազայից զորքերի դուրսբերման առաջին փուլը. Ուիթքոֆ
ԱՄՆ կենտրոնական հրամանատարությունը հաստատել է, որ Իսրայելի պաշտպանության ուժերը տեղական ժամանակով ժամը 12:00-ին ավարտել են դեպի դեղին գիծ զորքերի դուրսբերման առաջին փուլը։ Պատանդների ազատ արձակման 72-ժամյա վերջնաժամկետը սկսվել է: Այս մասին X-ի իր էջում գրել է ԱՄՆ նախագահ Դոնալդ Թրամփի հատուկ բանագնաց Ուիթքոֆը:
Լրատվամիջոցները նաև հայտնում են, որ իսրայելական զորքերի դուրսբերումից հետո պաղեստինցիները վերադառնում են Գազա:
