Օրբանը հայտարարել է, որ Եվրամիությունը փլուզման եզրին է
Հունգարիան չպետք է անցում կատարի եվրոյի, քանի որ Եվրամիությունը գտնվում է քայքայման եզրին։ Այս մասին հայտարարել է Հունգարիայի վարչապետ Վիկտոր Օրբանը EconomX տնտեսական լրատվական կայքին տված հարցազրույցում։
«Եվրամիությունը դժվարությունների է բախվել, այն քայքայման եզրին է, այն քանդվում է հենց հիմա»,- ասել է Օրբանը՝ պատասխանելով եվրոյի ընդունման վերաբերյալ հարցին։
Նա կարծում է, որ եթե արմատական փոփոխություններ տեղի չունենան, այս գործընթացը կշարունակվի, և ԵՄ-ն երկրի համար կմնա «պարզապես կյանքի անցած փուլ»։
Վարչապետը չի ցանկանում, որ Հունգարիայի ճակատագիրը ավելի սերտորեն կապվի միության հետ, քան հիմա է։
