Ես մտածում եմ ստեղծվող վատ նախադեպի` Մայր Աթոռի դեմ այլանդակ արշավի դրսևորման մասին. Տիգրան Աբրահամյան
ԱԺ «Պատիվ ունեմ» խմբակցության քարտուղար Տիգրան Աբրահամյանն իր ֆեյսբուքյան էջում գրում է.
«2 օր առաջ գործընկերներիցս մեկի հետ խոսում էինք Միքայել Սրբազանի մասին ու ոչ մի կերպ չէի համաձայնվում, որ սպասվելիք վճռով նրան երկար ժամանակով ազատությունից կզրկեին:
Ճի՛շտ է, որևէ մեկս օդից չենք իջել և փաշինյանական այսօրվա իրականությունը լավ գիտենք, բայց ես կարծում էի, որ կա´մ պայմանական կտան, կա´մ փոքր ժամկետով կազատազրկեն:
Մարդկային ողբերգություն է պատկերացնելու այն դատավորի, դատախազի, քննիչի հոգեվիճակը, ովքեր կարող էին այսպիսի պատկեր ստեղծել:
Սրբազանի մասով հանգիստ եմ` խնդիր չունի նստելու. ես մտածում եմ ստեղծվող վատ նախադեպի` Մայր Աթոռի դեմ այլանդակ արշավի դրսևորման և բարոյականության աննախադեպ անկման մասին»:
