OpenAI-ը դարձել է աշխարհի ամենաթանկարժեք մասնավոր ընկերությունը

Ամերիկյան OpenAI ընկերությունը դարձել է աշխարհի ամենաթանկարժեք մասնավոր ընկերությունը՝ գերազանցելով SpaceX-ին։ ChatGPT չաթբոտ մշակողի արժեքը հասել է 0.5 տրիլիոն դոլարի: Այս մասին հաղորդում է Bloomberg-ը։

«OpenAI-ը գործարք է կնքել, որի նպատակն է եղել օգնել աշխատակիցներին վաճառել ընկերության բաժնետոմսերը, ինչը ChatGPT-ի սեփականատիրոջը առաջ է մղել Իլոն Մասկի SpaceX-ից… OpenAI-ը դարձել է աշխարհի ամենաարժեքավոր մասնավոր ընկերությունը»,- ասվում է գործակալության հաղորդագրութան մեջ:

OpenAI-ի ներկա և նախկին աշխատակիցները մոտ 6.6 միլիարդ դոլար արժողությամբ բաժնետոմսեր են վաճառել ներդրողներին, այդ թվում՝ Thrive Capital-ին, SoftBank Group Corp.-ին, Dragoneer Investment Group-ին, MGX-ին և T. Rowe Price-ին, գործակալությանը հայտնել է լավատեղյակ աղբյուրը։