Պեկինը պատրաստ է կառուցողական դեր խաղալ ուկրաինական ճգնաժամի կարգավորման գործում. ԱԳՆ
Չինաստանը պատրաստ է կառուցողական դեր խաղալ ուկրաինական հակամարտության կարգավորման հարցում։ Այս մասին այսօր ճեպազրույցի ժամանակ հայտարարել է Չինաստանի ԱԳ նախարարության խոսնակ Մաո Նինգը։ Նրա խոսքերը հաղորդում է ՌԻԱ Նովոստին։
«Կարծում ենք, որ բոլոր կողմերը պետք է նպաստեն ուկրաինական ճգնաժամի քաղաքական լուծմանը՝ հիմնված ընդհանուր, համապարփակ համագործակցության և կայուն անվտանգության հեռանկարի վրա։ Չինաստանը պատրաստ է կառուցողական դեր խաղալ այս հարցում», – ասել է դիվանագետը՝ մեկնաբանելով Վլադիմիր Զելենսկու՝
«Կիևը Չինաստանի կարիքը չունի որպես անվտանգության երաշխավոր» հայտարարությունը։
Դիվանագետն ընդգծել է, որ ուկրաինական ճգնաժամի վերաբերյալ Չինաստանն ունի անփոփոխ օբյեկտիվ և արդար դիրքորոշում, ինչն «ակնհայտ է բոլոր շահագրգիռ կողմերի համար»։
